188

جج ویڈیولیک سکینڈل کیس انسداد دہشتگردی عدالت منتقل

اسلام آباد،(بےلاگ نیوز) سائبر کرائم عدالت نے جج ارشد ملک ویڈیو کیس انسداد دہشتگردی عدالت منتقل کرنے کا حکم دے دیا، فاضل عدالت نے ایف آئی اے کی درخواست منظور کرتے ہوئے قرار دیا کہ ملزمان کی بریت کی درخواستوں پر بھی فیصلہ انسداددہشتگردی عدالت کرے۔

اسلام آباد کی سائبر کرائم عدالت میں جج ارشد ملک ویڈیو کیس کی سماعت ہوئی، ایف آئی اے کی جانب سے عدالت کے روبرو درخواست کی گئی کہ جج ارشد ملک ویڈیو کیس انسداد دہشت گردی عدالت منتقل کرنے کا حکم دیا جائے،سائبر کرائم عدالت نے ایف آئی اے کی درخواست منظور کرتے ہوئے قرار دیا کہ انسداد دہشتگردی عدالت اب فیصلہ کرے کہ کیس کی سماعت کرنی ہے یا واپس سائبر کرائم عدالت کو بھیجنا ہے۔

عدالت کی جانب سے مزید ہدایت کی گئی کہ ملزمان کی بریت کی درخواستوں پر بھی فیصلہ انسداد دہشتگردی عدالت ہی کرے۔

اس خبر پر اپنی رائے کا اظہار کریں

اپنا تبصرہ بھیجیں