56

پاکستان کی دفاعی میدان میں بڑی کامیابی، غزنوی میزائل کا کامیاب تجربہ کرلیا

راولپنڈی، (بےلاگ نیوز) پاکستان نے غزنوی میزائل کا کامیاب تجربہ کرلیا، میزائل 290 کلومیٹر زمین سے زمین تک مار کرنے کی صلاحیت رکھتا ہے۔

آئی ایس پی آر کیمطابق غزنوی میزائل کے تجربے کا مقصد دن اور رات کے وقت آپریشنل تیاریوں کا جائزہ لینا تھا، جدید میزائل مختلف قسم کے وارہیڈز لے جانے کی صلاحیت رکھتا ہے، میزائل تجربے کے موقع پر ڈی جی سٹریٹجک پلانز ڈویژن لیفٹننٹ جنرل ندیم ذکی بھی موجود تھے، مذکورہ تجربہ پاک فوج کی اسٹریٹجک کمانڈ فورسز کی تربیتی مشقوں کا حصہ ہے۔ 

آئی ایس پی آر کی جانب سے مزید کہا گیا ہے کہ صدر عارف علوی، وزیراعظم عمران خان اور چیئرمین جوائنٹ چیفس آف سٹاف نے کامیاب تجربے پرافسران، انجنیئرز اور قوم کو مبارکباد دی ہے۔

اس خبر پر اپنی رائے کا اظہار کریں

اپنا تبصرہ بھیجیں