211

کپڑے کے بنے ماسک مفید یا کورونا کے مزید پھیلاو کا سبب

اسلام آباد: (بے لاگ نیوز) کورونا وائرس کی وجہ سے سرجیکل ماسک کی مانگ میں اضافہ ہوا ہے تاہم ان ماسک کی عدم دستیابی کے باعث اب سڑک کنارے سرعام کپڑے کے بنے ماسک کی فروخت جاری ہے۔ کیا یہ ماسک کورونا وائرس کے خلاف مفید ہیں یا اس وباء کے مزید پھیلاو کا سبب بن رہے ہیں۔

کورونا وباء کے دوران سرجیکل ماسک کی طلب میں کئی گنا اضافہ ہوا، عدم دستیابی کے باعث شہری سڑک پر بکنے والے ماسک خریدنے پر مجبور ہو گئے، طبی ماہرین نے خبردار کر دیا۔۔۔شہریوں کا کہنا ہے کہ میڈیکل اسٹور پر جائیں تو صاف جواب دیا جاتا ہے کہ ماسک دستیاب نہیں، کہیں پر ملیں بھی تو منہ مانگے دام وصول کیے جاتے ہیں۔

دوسری جانب طبی ماہرین نے واضح کیا ہے کہ عام کپڑے کے ماسک کا کوئی فائدہ نہیں، غیر معیاری ماسک پہن کر شہری اپنے لیے کورونا کے خطرات مزید بڑھا رہے ہیں۔ڈاکٹر کا کہنا ہے کہ احتیاطی تدابیر کیساتھ معیاری ماسک استعمال کے حوالے سے بھی عوام میں بھرپور آگہی مہم پیدا کرنے کی ضرورت ہے۔

اس خبر پر اپنی رائے کا اظہار کریں