182

مودی حکومت خطے میں امن وامان کو تہہ و بالاکرنے پرتلی ہے،شاہ محمود قریشی

اسلام آباد،(بےلاگ نیوز) وزیر خارجہ شاہ محمود قریشی کی ایل او سی پر بھارتی فوج کی بلا اشتعال فائرنگ کی شدید مذمت،وزیرخارجہ نے کہا ایل او سی پر اشتعال انگیزیاں، بھارت کے اندرونی انشتار سے توجہ ہٹانے کی کوشش ہے۔

وزیرخارجہ شاہ محمود قریشی نے اپنے بیان میں کہا ہے کہ بھارت کی عوام نے مودی سرکار کی انتہا پسند سوچ کو مسترد کر دیا ہے، مودی حکومت، خطے میں امن و امان کو تہہ و بالاکرنے پر تلی ہوئی ہے، جنگی جنون میں مبتلا بھارت سرکار کی شرانگیزیوں کا دنیا نوٹس لے۔

شاہ محمود قریشی نے شہید ہونے والے پاک فوج کے دونوں جوانوں کو خراج عقیدت پیش کرتے ہوئے کہا کہ مسلح افواج کی جرات اور بہادری کو سلام پیش کرتے ہیں، مسلح افواج کی قربانیوں پر پوری قوم کو فخر ہے۔

وزیرخاررجہ کا مزیدکہناتھاکہ بھارت کسی بھول میں نہ رہے پاکستانی مسلح افواج ملکی دفاع کیلئے مکمل تیار ہیں، قوم وطن عزیز کے تحفظ کیلئے پاک فوج کے شانہ بشانہ کھڑی ہے۔
 

اس خبر پر اپنی رائے کا اظہار کریں

اپنا تبصرہ بھیجیں