158

پاکستان خطے میں کشیدگی نہیں چاہتا، ترجمان دفترخارجہ

اسلام آباد،(بےلاگ نیوز)ترجمان دفتر خارجہ نے کہا ہے کہ پاکستان خطے میں کشیدگی نہیں چاہتا، وزیراعظم نے واضح کیا پاکستان کسی جنگ کا حصہ نہیں بنے گا، پاکستان تنازع کے خاتمے کی کوششوں کا حصہ بنے گا۔

ترجمان دفتر خارجہ عائشہ فاروقی نے ہفتہ وار بریفنگ دیتے ہوئے کہا خطے میں کشیدہ صورتحال کا جائزہ لے رہے ہیں، خطے میں قیام امن کیلئے کوششیں جاری رکھیں گے، وزیراعظم نے وزیر خارجہ کو متعلقہ وزرائے خارجہ سے رابطے کی ہدایت کی ہے، وزیر خارجہ نے مختلف ممالک کے وزرائے خارجہ سے رابطہ کیا ہے، عراق کا سفر کرنیوالوں کیلئے ہدایت نامہ جاری کیا۔

مقبوضہ کشمیر کی صورتحال پر عائشہ فاروقی کا کہنا تھا کشمیر میں لاک ڈاؤن کو 158 روز ہوگئے، 80 لاکھ کشمیریوں کے دنیا سے رابطے کٹے ہوئے ہیں، وزیراعظم نے دنیا کو مقبوضہ کشمیر کی صورتحال سے آگاہ کیا، مقبوضہ کشمیر میں غذائی قلت پیدا ہو چکی جبکہ ذرائع مواصلات بند ہیں۔

ترجمان دفترخارجہ نے کہا پاکستان مخالف بھارتی پروپیگنڈے کو مسترد کرتے ہیں، کرتار پور راہداری کھولنا وزیراعظم کا وژن ظاہر کرتا ہے۔

اس خبر پر اپنی رائے کا اظہار کریں

اپنا تبصرہ بھیجیں